Синоќа почина пејачката и текстописец Лиза Мари Присли, единственото дете на покојниот Елвис Присли. Таа итно била префрлена во болница во Калифорнија откако доживеала инфаркт, објавија американските медиуми.
Лиза Мари Присли имаше 54 години.
„Со тешко срце морам да ја споделам погубната вест дека мојата прекрасна ќерка Лиза Мари не остави“, потврди нејзината мајка Присила Присли за магазинот PEOPLE. Таа побара да се почитува приватноста на семејството додека се обидуваат да се справат со огромната загуба.
Лиза Мари Присли ја започна својата музичка кариера во 2003 година. Нејзините први два албума беа успешно продадени. Таа беше во брак со кралот на попот Мајкл Џексон, а потоа и со актерот Николас Кејџ. Лиза Мари Присли има 4 деца. Нејзиниот единствен син изврши самоубиство во 2020 година. На почетокот на неделата, Лиза Мари Присли присуствуваше на доделувањето на наградите Златен глобус во Лос Анџелес со нејзината мајка. Лиза Мари е сопственик на замокот на нејзиниот татко во Грејсленд.
Кралот на рокот Елвис Присли почина на 16 август 1977 година.