Новак Ѓоковиќ успеа да се пласира во финалето на Австралија опен каде за својата 10-та јубилејна титула во Мелбурн ќе се бори со грчкиот тенисер Стефанос Циципас, а кој и да победи на тој меч ќе биде новиот тениски број 1.
Ѓоковиќ се пласираше во борбата за титулата на првиот Грен слем сезонава, откако триумфираше над aмериканецот Томи Пол во три сета – 7:5, 6:1.
Петтиот тенисер на светот првата сет-поен ја имаше против својот ривал по 35 минути игра, а следниот, кој подоцна успеа да го искористи, дојде дури по 25 минути, додека aмериканецот во меѓувреме блескаше. Тоа беше и единствениот дел од натпреварот во кој имаше неизвесност околу резултатот. Се останато беше брутална доминација на Ѓоковиќ.
Сепак, тоа не значи дека Пол одигра лошо, уште повеќе, се чини дека никогаш не одиграл подобар натпревар, Новак го извлече најдоброто од него, но и тоа не беше доволно за да направи големо изненадување.
Ѓоковиќ ја продолжи серијата успеси во Австралија, каде нема пораз од 2018 година, оствари 27 врзани триумфи на првиот Грен слем сезонава и со тоа го собори рекордот на легендарниот Андре Агаси.
Она што е исто така многу важно пред финалниот дуел против Гркот е тоа што Ѓоковиќ не се задржа предолго на теренот, што значи дека не ја оптовари премногу повредената нога, што не му направи премногу проблеми денеска. Во само неколку наврати најдобриот српски тенисер се фаќаше за тој дел од телото, еднаш или двапати паузираше потпрен на рекетот и толку.
Сигурно ќе му биде потешко во финалето отколку денеска, бидејќи и Циципас е подобар ривал од американецот Пол, па играта на Новак ќе мора да биде на многу повисоко ниво. Сепак, деветкратниот победник на Австралија опен има два и пол дена пред себе да одмори и да се подготви за дуелот против ривалот што го доби во финалето на Ролан Гарос иако губеше со 0:2 во сетови.