Покрај многуте апокалиптични сцени од градовите на југот на Турција, снимката од железницата во градот Кахраманмарас, каде што беше епицентарот на земјотресот, сликовито ја покажува јачината на земјотресот кој погоди десет турски градови.
Оштетената железничка линија во областа Туркоглу во Кахраманмарас јасно го покажува драстичниот ефект на земјотресот, а пругата необјасниво доби сосема поинаква форма.
Земјотрес со јачина од 7,7 степени според Рихтеровата скала ја погоди јужна Турција рано наутро во понеделникот. Епицентарот на земјотресот е регистриран во областа Пазарџик во Кахраманмарас.
Провинциите Газиантеп, Шанлиурфа, Дијарбакир, Адана, Адијаман, Малатија, Османије, Хатај и Килис беа сериозно погодени од земјотресот.
После тоа, нов земјотрес со јачина од 7,6 степени според Рихтеровата скала го погоди округот Елбистан, исто така во Кахраманмарас, во понеделникот во 13 часот и 24 минути.
Повеќе од 17.000 луѓе загинаа во земјотресот во Турција и Сирија