Close Menu
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
What's Hot

Украинската амбасадорка Дир: Милиони животи се загрозени поради студот и темнината

October 30, 2026

34 години АРМ: Од „боси по трње“ до рамноправна и достојна членка на НАТО

August 16, 2026

Интервју со Павле Гацов: Малите економии имаат мал број алтернативи за справување со американскиот економски протекционизам

April 7, 2025
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
НОВА ТВНОВА ТВ

Ковачевски: Членството во НАТО и напредокот во евроинтеграциите ги отвораат економските перспективи

0
By Ана Василевска on April 26, 2023 ВЕСТИ, ОПШТЕСТВО, ПОЛИТИКА
СПОДЕЛИ
Facebook Twitter LinkedIn Email
Published: Wednesday, April 26, 2023 14:02

Членството во НАТО, напредокот во европските интеграции и регионалното поврзување, ги отвораат економските перспективи, а тоа го потврдуваат самите бројки, истакна премиерот Димитар Ковачевски на отворањето на Самитот„Македонија 2025“ .

Пред учесниците на Самитот – бизнисмени од дијаспората и од државава, како и експерти од повеќе области,  премиерот оцени дека  Северна Македонија е во сосема поинаква позиција од пред пет години, односно, како што рече, од изолирана и бесперспективна држава, создадовме интегрирана и перспективна.
Централна тема на Самитот е зајакната соработка и силно приватно – јавно партнерство во насока на градење на просперитетни економии преку дигитализација, стратешко лидерство и успешна општествена трансформација. На првиот ден на Самитот беа опфатени актуелни теми значајни за бизнисите и граѓаните, како што се дигитална трансформација, зајакнување на претприемачките капацитети, иновации во функција на поголема конкурентност, холистички пристап преку примена на ЕСГ (environment, society, governance) стандардите, како и успешни приказни на компании од регионот.
-Го деблокиравме патот кон Европската Унија, преговорите со Европската Унија се отпочнати. Државата е полноправна членка на НАТО. Дел сме од регионалните иницијативи со коишто има посилен проток на луѓе, стоки и услуги и формираме Заеднички регионален пазар, со што ги зголемуваме конкуретноста и интересот за инвестирање во нашиот регион, со тоа и во нашата држава. Денес сме држава којашто е пример како со стратешко лидерство кое добило мандат од граѓаните, може да се гради просперитетна економија, а со тоа и просперитетна иднина и за своите граѓани и за да се придонесува во регионален и во европски контекст, рече премиерот.

Премиерот оцени дека изминатата година имало највисок извоз од 3,7 милијарди евра и најголем износ на инвестиции.

Како што дополни, инвестициите во изминатиот период придонеле да има над 16 500 вработени, што е над 10 000 повеќе работници во однос на 2017 година.

„Само во последниве две години се постигнати договори од над 650 милиони евра, над половина од вкупниот обем на донесени инвестиции во претходните 10 години“, посочи Ковачевски.

Минатата година во услови на криза, посочи, Северна Македонија имаше и рекордна реализација на капиталните инвестиции во државата од 465 милиони евра што е за 60 проценти повеќе од 2014 година која што година сите заради нејзината популарност се сметаа за година на најголеми инвестиции. Единствената ралзика е што во тоа време за едно евро инвестиција се трошеа, а 4 евра за реклама на телевизија. Сега за секое евро инвестиција не се троши ниту едно евро за реклама на телевизија, рече Ковачевски.

Изрази задоволство што Северна Македонија се покажала како пример во регионот и Европа и истакна дека реконструирањето на економијата во државава бил еден од клучните предизвици на кои работела актуелната Влада.

„Во 2018 година беше одобрен Планот за економски раст и тогаш првпат почнавме покрај поддршката на странските инвестиции да ги поддржуваме и домашните инвеститори, бидејќи пред тоа помош добиваа само странските инвеститори. Ова донесе резултати, покажа дека Владата не е фокусирана само на еден од параметрите во економијата односно растот на БДП, туку и на поддршка на компаниите, бизнисот за да може да е подготвен да одговори на предизвиците и да го донесе толку посакуваниот раст и развој во нашата економија“, рече Ковачевски.

Додаде дека странските директни инвестиции се на највисоко ниво во најкризната година и тоа двапати поголеми од тоа што биле во 2016 година.

„Токму и затоа и странските директни инвестиции во кризни услови минатата година бидејќи тоа беше најкризната година од Втората светска војна достигна рекордно историски највисоки износи од 753 милиони евра само во една година и тоа повторувам во најкризната година во Европа и кај нас“, појасни тој.

Напомена дека државава бележи развој и во автоиндуистријата, авиоиндустријата и медицинската индустрија.

„Затоа на сите оние коишто сметаат дека на Македонците постојано им треба тутурство, дека постојано треба некој да ги учи, дека треба некој основите да им ги покажува тоа е најдобра потврда дека кај нас ќе се произведуваат чипови коишто беше незамисливо да се произведуваат исто ако што веќе се произведуваат најсофистицирани делови и за бмв и за мерцедеси за сите други автомобили и познати марки од Германија, САД,Франција, Италија итн“, порача премиерот.

Во однос на изградбата на на Коридорите 8 и 10 потсети дека ќе биде овозможено слевање на околу 650 милиони евра во македонската економија.

Најави дека во следниот период ќе бидат преземени мерки кои се очекува да го забрзаат економскиот раст и информира дека планот се однесува на поттикнување на раст на јавни и приватни инвестиции како и фискална консолидација. Потенцира дека инфлацијата од октомври секој месец бележи пад и дека е зголемено домашното производство на електрична енергија.

Извршната директорка на „Македонија 2025“ Никица Мојсоска-Блажевска во своето обраќање посочи дека во повеќето важни индикатори има напредок, но оти споредено со другите земји од регионот Северна Макеоднија заостанува и речиси секаде се појавува на дното на мерењата. Изрази надеж дека токму Самитот ќе придонесе во напредокот на економијата на државава.

„Наша главна заложба уште од основањето на Македонија 2025 е поддршка на напредокот на земјата, преку вклучување на македонската дијаспора во актуелните случувања во земјата во насока на градење на силна и просперитетна нација. Сите ние имаме одговорност пред нашите семејства и идните генерации да обезбедиме подобра и попросперитетна иднина, повисок животен стандард и квалитет на живот. Во таа насока ние се стремиме преку нашите активности да ги обединиме сите засегнати страни, да ги усогласиме клучните приоритети и да работиме кон постигнување на целите. Искрено верувам дека Македонија 2025 преку своите активности и програми, вклучително и Самитот ќе придонесе кон развој на земјата“, рече Мојсоска-Блажевска.

Мајк Зафировски, еден од основачите и член на Одборот на директори на Македонија 2025 на Македонија2025 разговараше со Роберт Доар, директор на Американскиот Институт за Претпријатија (АИП) на тема долгорочен економски развој, улогата на „тинк-тенк“ организациите во иницирање на економски реформи, како и најновата иницијатива на АИП наречена „Иницијатива за американски сон“.

Зафировски се осврна на наодите од извештајот на Светска Банка за Западниот Балкан, потенцирајќи дека закрепнување на економиите може да се случи преку структурни реформи, отчетност на институциите, рационално трошење на јавните средства и вложување во дигитализацијата, што е можно преку поголема регионална соработка.

Од своето основање досега Македонија 2025 има имплементирано програми за економски развој со вкупна вредност од 3,6 милиони долари. Во секторите образование и лидерство досега се донирани 1,7 милиони долари, а во овие програми вклучени беа над 670 менаџери, претприемачи и млади таленти.

Дел од Самитот Македонија 2025 е и доделувањето на првото признание за придонес на припадниците на дијаспората, кое се доделува под покровителство на Претседателот на РСМ, Стево Пендаровски. Ова признание што беше доделено вчера го добија Софи и Митре Кутановски, за нивната поддршка на млади таленти и студенти од Македонија во рамки на Фондацијата Атанас Близнаков.

Димитар Ковачевски НАТО Самитот - бизнисмени од дијаспората и од државава
Share. Facebook Twitter LinkedIn Email
ТИКЕР

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026

Случај Алта банка: Опозицијата бара оставки, истраги и одговорност од власта

November 3, 2026
shortcut
ФОКУС
September 30, 2026Updated:September 30, 2026

Мицкоски пред средбата со Фон дер Лајен: Подготвени сме за разговор и решение, обврските ги наследивме од претходната власт

ПОЛИТИКА September 30, 2026

Претседателката на Европската комисија Урсула фон дер Лајен в петок, 2 октомври, ќе престојува во…

Исланд гласа за или против обновување на преговорите за членство во Европска Унија

August 29, 2026

Техеран го повика Вашингтон да признае воен пораз

August 16, 2026

Букурешт: Дуња Иванова четврта на Балканот во МТБ маратон во Романија – 73 км. должина и 2.400 м. висинска разлика

August 15, 2026
ТИКЕР

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026

Случај Алта банка: Опозицијата бара оставки, истраги и одговорност од власта

November 3, 2026
CIVICA
Facebook
  • Редакција
  • Маркетинг
  • Политика на приватност
© 2026 НОВА ТВ

Type above and press Enter to search. Press Esc to cancel.