Одлучни сме во нашата посветеност да се усогласиме со стандардите, вредностите и политиките на ЕУ и да ги направиме следните чекори за да останеме во процесот и да напредуваме во преговорите со ЕУ. Во овој сложен процес од клучно значење е да знаеме дека држава како Словенија, со силно европско искуство, ја имаме за партнер и сојузник во исполнувањето на ЕУ агендата, истакна вицепремиерот за европски прашања Бојан Маричиќ на средбата со заменик претседателката и министерка за надворешни и европски прашања на Тања Фајон, одржана на маргините на Бледскиот стратешки форум.
Од средбата, како што соопшти СЕП, е испратена порака дека ЕУ создава позитивен политички моментумот кој е погоден за брз напредок на Северна Македонија на европскиот пат.
Тања Фајон ја поздрави политичката волја и заложба на македонската Влада за успех во преговарачкиот процес и искажа охрабрување Северна Македонија да продолжи напред, и оти поддршката од Словенија останува до исполнување на стратешка цел, полноправно членство во ЕУ.
Во фокусот на разговорите беше темата за уставните амандмани, кои стојат како обврска за продолжување на преговорите за членство на Северна Македонија во ЕУ, за кои и Маричиќ и Фајон се согласија дека амандманите не се само уставни дополнувања, туку дека тие ја симболизираат нашата посветеност на забрзување на реформските процеси, европеизација на македонското општество, демократските принципи, владеењето на правото и човековите права, се вели во соопштението од СЕП.
Маричиќ и Фајот, како што се посочува, разговараа и за децениското искрено пријателство и соработка меѓу двете држави и двата народи, со кое дополнително ги унапредуваат нивните односи, придонесувајќи во промоцијата на заедничките европски вредности, особено солидарноста во справувањето со последиците од климатските промени и природните непогоди.
Вицепремиерот денеска учествува на Бледскиот стратешки форум, на панелот насловен: Збогум Европа! (?) – Глобален вазал или глобален лидер: Европа во новата геополитичка доба, на кој учествуваат и неговата словенечка колешка, Тања Фајон, Федерика Могерини, Аранча Гонзалез, Декан на Париско школо за меѓународни односи, Кристофер Смит, Заменик асистент секретар за Централна Европа и Југо-Централна Европа и Мирослав Влачовски, министер за надворешни и европски прашања на Република Словачка, информираат од СЕП.