Драган Мишев
Украинската амбасадорка во земјава, Лариса Дир која на социјалните мрежи води своевиден дневник на случувањата во Украина за време на целосната и неиспровоцирана руска воена агресија, на 866 ден од целосната руска воена агресија во објава на Х по синоќешните руски напади со крстосувачки ракети напиша:
866. Од синоќа продолжува 3-от напад на државата агресор рф. Крстосувачките ракети Х-101 и Искандер-М маневрираат над Украина. Има експлозии во Кијив. Овој геноцид може да се запре со снабдување на Украина со средства за противвоздушна одбрана! #RussiaIsATerroristState
ЦИВИЛ Медиа од свои извори во Украина доби видео и фотографии од погодена болница во синоќешниот руски ракетен напад врз Украина.
ЦИВИЛ Медиа предходно објави дека синоќа руските агресри ја нападнале Украина со ракети од воздух и од земја: четири X-101 од стратешки авиони Ту-95МС (површина за лансирање – воздушен простор на регионот Саратов) и две балистички ракети Искандер-М (површини за лансирање – Курск регион и привремено окупиран Крим). Според резултатите од борбените операции, противвоздушната одбрана уништила три крстаречки ракети X-101 во регионите Житомир и Черкаси.
Извор: Цивил Медиа