Израелскиот премиер Нетанјаху изјави дека Хамас е против еден дел од договорот за прекин на огнот

Израелскиот премиер Бенјамин Нетанјаху денеска изјави дека Хамас е против дел од договорот за прекин на огнот со кој Израел би добил право на вето за ослободување на одредени палестински затвореници.

„Хамас се обидува да диктира кои палестински затвореници ќе бидат ослободени“, рече Нетанјаху, додавајќи дека, спротивно на договорот, се бара идентитетот на терористите одговорни за масовни злосторства, пишува „Sky News“.

Договорот во моментов чека одобрување од израелската влада, а во меѓувреме, откако е постигнат договорот, најмалку 32 лица се убиени во нападите врз Газа, велат лекарите.