Европскиот совет ќе расправа за промените во меѓународната средина поврзани со безбедноста, одбраната и Украина на вториот вонреден состанок годинава во Брисел. Во разговорите се очекува да учествува и украинскиот претседател Володимир Зеленски.
Шефовите на држави и влади на земјите од ЕУ ќе разговараат за предлозите на Европската комисија за повторно вооружување. Ќе бидат разменети мислења за можностите за постигнување мир во Украина и разликите во позициите на ЕУ и САД. На средбата не се очекува да се разговара за предлогот за испраќање европски мировници во Украина.
На состанокот ќе се разгледаат опциите за дополнителна поддршка за Кијив и безбедносните гаранции, вклучително и во однос на европскиот придонес.
Учесниците на состанокот ќе разговараат за конкретни опции за финансиска поддршка на европската одбрана.Претседателот на Европскиот совет Антонио Коста утре ќе ги презентира резултатите од денешниот состанок пред претставниците на Веклика Британија, Норвешка, Исланд и Турција.
Украинскиот претседател Володимир Зеленски денеска планира да учествува на состанокот на Европскиот совет во Брисел, соопшти неговиот портпарол.
Зеленски планира да се сретне и со генералниот секретар на НАТО Марк Руте, со австрискиот канцелар и со белгиското раководство за време на неговата посета на Белгија, додаде портпаролот.