САД ги зголемија царините за Кина на 125 отсто, објави американскиот претседател Доналд Трамп.
Трамп го објави најновото зголемување и објаснување за одлуката на својата социјална мрежа Truth Social:
Врз основа на непочитувањето на Кина кон глобалните пазари, со ова ја зголемувам тарифата што САД ја наплаќаат на Кина на 125%, веднаш што ќе стапи на сила. Се надевам дека Кина, во одреден момент, се надевам наскоро, ќе сфати дека деновите на експлоатација на Соединетите држави и другите земји се завршени и дека тоа повеќе не е одржливо или прифатливо, напиша Трамп.
Од друга страна, имајќи предвид дека повеќе од 75 земји контактирале со претставници на Соединетите Држави, вклучително и министерствата за трговија и финансии, како и со Канцеларијата за трговски односи на САД за да преговараат за решение за прашања поврзани со трговијата, трговските бариери, тарифите, манипулацијата со валутата и нефинансиските тарифи, како ифактот што тие земји не сугерираа некои силни тарифи па, поради тоа, на најавените царини, освен за Кина, прогласувам пауза од 90 дена како и значително намалена реципрочна тарифа во тој период во износ од 10% што, исто така, стапува во сила веднаш. Ви благодариме за вниманието по ова прашање, дополни Трамп.