Културните работници кои останаа без плата за време на велигденските празници денеска се собраа пред Министерството за култура да го искажат својот револт.
Протестниот совет организиран од синдикатот на културата започна во 12 часот, а пристуните порачаа дека поводот за овој протест се постојаните обиди за непочитување на колективните договори, што резултираше со доцнење на платите и оставање на над 3.000 вработени во културните институции без пари за велигденските празници.
„Не протестираме за луксуз туку за уствно загарантираното право. Законите треба да бидат еднакви за сите. Браме да се почитуваат колективните договори и законите, достоинствени услови за работа, стратегија за работа на културата, соодветни унапредувања и звања“ беше кажано на протестот, пренесува Слободен Печат.
Со транспарент му се обратија на министерот Љутков: „Извини Зоки, морално (ли) беше!“
На протестот присуствуваше и претседателот на Сојузот на синдикати на Македонија, Слободан Трендафилов, кој им даде поддршка на културните работници и го повика министерството да им ја исплати мартовската плата уште денеска.
„Ние културните дојдовме кај некултурните од влада. Министерот до вчера стоеше рамо до рамо со вас, сега се бори против вашите плати и договори што сметам дека е срам“, рече Трендафилов.
Тој ги повика културните работници да им се придружат на протестот на на 1 мај.