Ограбен домот на екс потпретседателот на СДСМ Битиќи

За време на велигденските празници во домот на поранешниот потпредседател на СДСМ и поранешен министер за финансии, Фатмир Битиќи, провалиле крадци.

Како што информираат од МВР, Битиќи, вчера го пријавил настанот, дека во периодот од 07.30 часот на 18.04.2025 до 03.00 часот на 21.04.2025, со употреба на сила и погоден алат било влезено во неговиот дом на подрачјето на Бутел во Скопје и биле одземени пари и други предмети.

Според информациите на дел од албанските медиуми, украдел бил метален сеф во кој наводно имало златни предмети и рачни часовници кои имале голема парична вредност. Се споменувал сума од околу 50.000 евра.

Битиќи за ORA24.TV потврдил дека имало кражба во неговиот дом.

Да… Не би зборувал за детали, одговори Битиќи за ORA24.TV.