Вчера, во Скопје, иницијативата Сите за Палестина, социјалниот центар „Дуња“ и Социјалистичка зора организираа протестен марш низ улиците на Скопје за да се спротивстават на глобалната милитаризација, капиталистичката репресија кон народот и геноцидот кој секојдневно се случува врз палестинскиот народ.
Маршот, под мотото „Од Скопје до Газа – народот вели НЕ!“, е дел од глобална и регионална мобилизација која истовремено се одвиваше во Бугарија, Грција, Словенија, Хрватска, како и многу земји ширум светот во пресрет на самитот на НАТО. Во фокусот на протестот беа најновите воени трошоци на Европската унија, воената агресија на НАТО и глобалниот колапс на услови за живеење, додека воената индустрија кити исклучително високи профити замногу малку луѓе.
ЕУ неодамна усвои рекорден воен буџет од 800 милијарди евра, сума која, според демонстрантите, директно оди во рацете на воените корпорации и машинеријата на смртта. Новиот буџет, предложен од Вашингтон, ги задолжуваземјите членки 5% од БДП да го вложат во милитаризација. Протестантите порачаа дека овој буџет не носи мир,туку профит за елитите, додека народот се дави во сиромаштија, економска несигурност и колапс на јавните услуги.
„НАТО не штити НАТО убива,“ беше едно од клучните пораки на протестот. Присутните ја осудија улогата на Македонија во поддршката на империјалните агенди на Западот, вклучувајќи ја и нејзината молкотна соработка со злосторствата на израелската држава во Газа.
Со конкретни податоци и сведоштва, демонстрантите повторно ја изложија катастрофалната состојба во Газа. Над 50.000 деца убиени или повредени од октомври 2023; 464 нападнати здравствени установи, над 700 убиениздравствени работници; Над 2 милиони луѓе живеат под тотална блокада на територија со големина на урбаниот дел на Скопје.
За ова, организаторите го обвинија Западот – и ЕУ, и САД, и НАТО – за директна соучесништво во геноцидот преку финансирање и логистичка поддршка на израелската агресија, како и продолжување на војната помеѓу Украина и Русија со цел зголемување на воените буџети, и америчките напади на земјите на блискиот исток. Македонската влада уште еднаш беше осудена за отворена поддршка на израел со својата воздржаност во Обединетите нации, осудување на бомбардирање на болници во израел додека истиот израел унишува болници, училишта и го убива цело население во Палестина.
Протестот заврши пред Амбасадата на САД во Скопје, каде говорниците остро ја осудија улогата на американската надворешна политика во воените конфликти ширум светот од Палестина, до Ирак, Либија, Иран и Сирија. Особено внимание беше посветено на лицемерието на САД во однос на зборување за реформи и демократија во Македонија, додека со своите геополитички дејствија се однесува како терорист.
Демонстраните потенцираа дека борбата ќе продолжи додека сите имаат права.