Приштина: Уставниот суд на Косово објави дека пратениците на Собранието на Косово мора да изберат нов претседател на законодавното тело преку јавно гласање, пренесува РСЕ.
Во пресудата издадена на 8 август, Уставниот суд наведе дека претседателот на седницата, Авни Дехари, не ја почитувал претходната одлука на судот од 26 јуни, додавајќи дека сите седници одржани од 27 јуни до 6 јули „се прогласени за неважечки“.
Уставниот суд на Косово му наложи на претседателот на конститутивната седница на Собранието на Косово да продолжи со точка 3 од дневниот ред на Конститутивната седница, усвоена на 8 април 2025 година и да го покани претставникот на најголемата парламентарна група да предложи кандидат за претседател на Собранието, кој се избира со јавно гласање, а гласањето за истиот кандидат може да се спроведе најмногу три пати.
Пратеникот на Самоопределување, Хекуран Мурати, кој е и вршител на должноста министер за финансии, ја оцени одлуката на Уставниот суд како неправедна.
Пратениците не успеаја да го конституираат Собранието во 54 обиди во претходните месеци. Рокот од 30 дена, што го постави Уставниот суд за конституирање на Собранието, беше пропуштен и на 26 јули, откако партиите што беа во опозиција во претходниот состав побараа мисле