Студентите во блокада на факултетите во Србија потврдија на својот официјален профил на социјалните мрежи дека на 1 септември ќе им се придружат на средношколците во големиот протест што го најавија пред неколку дена.
Средношколците во блокада од градови низ Србија најавија најава за протест за 1 септември „Средношколците се сеќаваат – сите сме под настрешница“.
Српски медиуми јавија дека на првиот ден од учебната година, со поддршка на родителите, дел од наставниците, но и учениците во блокада, матурантите ќе одржат комеморативна прошетка по повод 10 месеци од падот на бетонската настрешница на железничката станица во Нови Сад, а во некои училишта побараа од директорот тој ден да биде ненаставен, односно неработен за сите, освен за прием на нови ученици – првачињата.
Учениците во блокада денеска го потврдија своето учество во тој протест на средношколците.
„Нема да заборавиме. Ќе се видиме под настрешницата“, напишаа студентите во блокада во објава на Инстаграм.