Најновиот Индекс на женска моќ (Women’s Power Index), кој ги анализира податоците за застапеноста на жените во власта во 193 држави членки на Обединетите нации, покажува значителни разлики во политичката родова застапеност на глобално и регионално ниво.
Според резултатите, Србија се наоѓа 22. место во светот, со освоени 53 бода, што ја позиционира над повеќе земји-членки на Европската Унија.
Во рамки на европската ранг-листа, Србија е на 11-то место, додека на Балканот е прва во однос на застапеноста на жени во власта. Зад неа, според бројот на бодови, следуваат:
Албанија – 52 бода
Хрватска – 39
Црна Гора – 29
Северна Македонија – 28
Бугарија – 22
Унгарија – 17
Романија и Босна и Херцеговина – по 15 бода
На светската ранг-листа, земјата со 53 бода се наоѓа во група со Чиле и Доминиканската Република, кои се на 23 и 24 место со ист резултат. Пред неа се Руанда (1. место, 56 бода), Велика Британија (20. место, 55) и Јужна Африка (21. место, 55).
Во европски рамки, веднаш повисоко на листата се Молдавија, Швајцарија и Велика Британија, додека подолу се Данска, Монако и Албанија, објави Политика.
Индексот го мери т.н. резултат на политичкиот паритет, односно вкупното учество на жени во структурите на власта на сите нивоа. Максималниот можен резултат е 100, што означува целосна рамноправност – 50% застапеност на мажи и 50% на жени.