САД вршат притисок врз Украина да ги повлече своите трупи од Донбас и да создаде „слободна економска зона“ во делови од регионот кои сè уште се под контрола на владата во Киев, изјави денес украинскиот претседател Володимир Зеленски, како што објави британскиот „Гардијан“.
САД претходно предложија Украина да ги предаде овие делови од својата територија на Русија.
Сепак, Вашингтон сега посочува на компромисна верзија според која украинските трупи се повлекуваат од неокупираните делови на Донбас, но руските трупи не влегуваат во нив, рече Зеленски.
Кој ќе управува со оваа територија што ја нарекуваат „слободна економска зона“ или „демилитаризирана зона“ , тие (САД) не знаат“, изјави украинскиот претседател за новинарите во Кијив.
Украина, според Зеленски, не го смета таквиот план за фер ако не вклучува гаранции дека руските трупи нема едноставно да влезат во неокупираните делови на Донбас откако украинските трупи ќе се повлечат од нив.
Ако трупите на едната страна мора да се повлечат, а другата страна остане таму каде што се, што ќе ги одврати трупите на другата страна, руската страна? Или што ќе ги спречи да се маскираат како цивили, а потоа да ја преземат оваа слободна економска зона. Сето ова е многу сериозно. Не станува збор за тоа дали Украина би се согласила, а ако зборувате за компромис, тогаш овој компромис мора да биде фер, рече Зеленски.
Тој исто така изјави дека доколку Украина се согласи на такво нешто, ќе мора да има избори или ратификација на референдум.