Јована Тренчевска: Најголем дел од предметите се затвораат затоа што жртвите се повлекуваат, кажа денес министерот Тошковски на прес конференција.
Министерот треба да знае дека на 29. јануари 2026, во Собранието се донесоа измените на Кривичниот законик каде насилството врз жените и семејното насилство се гони по службена должност и покрај повлекувањето на пријавата.
И не само кога има телесни повреди како што вели министерот туку и кога со насилството се нарушува здравјето!
Здравјето на жртвата!
Ако насилството се пријавувало наназад со месеци или година две, каде е проценката на ризик која треба да ја направат полициските службеници?
Каде е проценката на ризик ако полицијата има видео запис од физичко насилство на насилникот врз Ивана?
На што ги обврзува Законот за заштита и спречување на насилството врз жените и семејното насилство, во однос на проценката на ризик?
Зошто од пријавата на Ивана во декември 2025 известувањето на полицијата патува два месеци и стасува до Центарот за социјални работи дури во фебруари 2026?
Што направил тимот во Центарот за социјални работи? Направил проценка? Какви мерки превзеле?
Многу прашања и дилеми! Но едно е јасно, ниту полицијата ниту центарот не ја заштитиле Ивана и нејзината ќерка!
Да не се вадат ниту МВР ниту МТСП со прес конференции и соопштенија!
Сите кои потфрлиле во исполнување на своите законски обврски треба да сносат одговорност!
Извор: Фејсбук