На десеттата годишнина од смртта на премиерот Зоран Ѓинѓиќ, во Белград пристигна контроверзната претстава во продукција на СКЦ Нови сад “Да се убие Зоран Ѓинѓиќ“ (Убити Зорана Ѓинѓиќа) во режија на Златко Паковиќ.
Публиката на премиерата, уште во фојето на Центарот за култура „Вук Караџиќ“ ја дочекале исечоци од весници кои известувале за настаните што се случувале неколку месеци пред атентатот на српскиот премиер. На влезот во театарската сала, се слушале зборовите на Томислав Николиќ кажани во февруари 2003 година: „Ако во следниве месец-два го видите некаде Зоран Ѓинѓиќ, кажете му дека и Тито неколку месеци пред да умре, имаше проблеми со ногата“.
Во главната улога е Никола Ѓуричко, кој ги доловува сеќавањата на Ѓинѓиќ на 5 октомври, неговата средба со Легија, се споменуваат земунскиот клан, Коштуница и други српски политичари.
„Режисерот избрал добар систем, направил политичко кабаре, горчливо и прецизно – во кое е прикажана баналноста на големото зло“, изајави Јован Ќирилов за српските медиуми.
Според познатата актерка Мирјана Карановиќ се работи за моќна, креативна, возбудлива, храбра, жестока и бескомпромисна претстава која е сето она што не успеа да го постигне претставата „Зорна Ѓинѓиќ“ на Ателје 212 на Оливер Фрљиќ.
Втората изведба на претставата која ја бранува јавноста во Србија е најавена за вечерва.