Израелскиот амбасадор Илан Мор во Будимпешта ја повика Унгарија да ја одземе државната новинарска награда која унгарската влада му ја додели на тв-новинар поради антисемитски и десно-екстремистички изјави.
– Таа награда е дадена на погрешно лице од погрешни причини, наведува Мор.
По повод националниот празник на Унгарија, 15. март, најважното државно признание за новинари, наградата Танчиш, ја доби телевизискиот водител Ференц Санисло. Тој на својата ТВ станица „Ехо“, блиска на владејачката партија Фидес, ширеше антисемитски теории на заговор, а ромското малцинство го нарекуваше „мајмуни“.
Мор наведе дека идеите на Санислов не се дел од демократското слободно општество како што е унгарското.
– Додека Израел и Унгарија соработуваат во борбата против антисемитизмот, таквите награди би можеле да предизвикаат негативен впечаток и да не наведат на погрешен пат, истакнува Мор.
Золтан Балог, министерот во чија надлежност е доделувањето на ордените, изрази жалење поради наградата на новинарот Санисло. Тој изјави дека не знаел за антисемитските изјави на телевизискиот водител.
Во знак на протест на доделеното одличје на Санисло, повеќе од десет поранешни добитници ги вратија наградите.