Oткако во петокот Владимир Путин потпиша економски договори со Грција за време на својата дводневна посета, рускиот претседател денес е на Атос.
Во ова место на православната религија Путин се придружува на прославата на илјадитиот роденден на руското присуство во оваа машка монашка заедница.
Со Путин на Атос допатува и патријархот на руската православна црква и тие заедно ќе одат во посета на рускиот манастир Свети Пантелејмон кој се наоѓа на западната страна на Халкидики.
Атос се состои од 20 манастири од кои еден е руски, еден српски и еден бугарски. Атос ја има привилегијата да биде автономен од византиското време.
Грчкиот претседател Прокопис Павлопулос и министерот за надворешни работи Никос Коѕиас го придружуваат Путин во оваа посета.
Посетата на Путин во Грција е негово прво патување во земја на ЕУ во повеќе од една година. Оваа посета се случува во моментот кога ЕУ се подготвува да ги продолжи санкции кон Москва поради анексијата на Крим. Грција има одлични односи со Русија но Атина најави дека има намера да биде солидарна со европските партнери во санкциите кон Москва.