Цртаните ликови Покемон, кој земаа замав насекаде во светот и поради кои луѓето денеска шетаат од улица во улица, од двор во двор, добиваат и поголема смисла ако се погледнат фотографиите на децата од Сирија кои бараат на истиот начин да бидат пронајдени и спасени од пеколот во нивната земја.
На фотографиите објавени по социјалните мрежи, деца од Сирија со поглед кон камерата и фотографија од еден Покемон порачуваат „Тука сум, дојди и спаси ме“.
Тие се на различни локации и низ повеќе градови во земјата која неколку години веќе е во состојба на рушење поради војните и бомбардирањата помеѓу ИСИС и режимот на Башар ал-Асад, како и интервенциите на меѓународната коалиција против ИСИС предводена од САД.
„Јас сум во Кафр Набл, на периферијата на Идлиб, дојди и спаси ме“. „Јасу сум во Кафр Зета, спаси ме“, се дел од пораките напишани на хартијата која ја држат децата во рака.
Оваа идеја е на медиумската канцеларија на Револуционите сили на Сирија, медиум кој работи на генерално споделување на пораките на Сиријците против режимот на претседателот Асад.
– Со оглед на глобалниот замав на Покемон играта, одлучивме да ги објавиме овие фотографии со цел да го потенцираме страдањето на сирискиот народ од силите кои работат по наредба на ал-Асад, велат од канцеларијата.