Руското Министерство за одбрана соопшти дека Русија е подготвена да го поддржи апeлот на ОН за 48 часовен прекин на огнот во Алепо во Сирија, за да се овозможи хуманитарна помош на населението.
Портпаролот на Министерството Игор Конашенков вели дека ќе го поддржат апелот под услов конвоите со хуманитарна помош да одат и во деловите под контрола на бунтовниците и во деловите под контрола на владините сириски сили. Тој додава дека се подготвени да го поддржат предлогот испораката да почне следната недела.
Инаку денеска и од Европската Унија побараа итен прекин на борбите во Алепо со цел да се овозможи медицинска евакуација.
-Хуманитраната операција во Алепо не може да биде дел од ниту една воена стратегија, се наведува во писмената изјава на високиот претставник за надворешна политика и безбедност, Федерика Могерини.
Таа нагласува дека ЕУ „остро ја осудува“ ескалацијата на насилствата во Алепо, вклучително и „прекумерната и несразмерна употреба на сила од страна на сирискиот режим“.
Могерини во соопштението ги повикува сите страни вклучени во конфликтот да ги прекинат непријателствата и да се укинат сите опсади со цел да се овозможи постојан дотур на хуманитарна помош по копнен пат до сите на кои им е непоходна.
Фотографија на момче во прав и крв – сведок за ужасот во Алепо