Промените кои оваа влада ги предлага со новиот ребаланс се крајно несолидарни, срамни и недржавнички, соопштуваат од СДСМ како реакција на новиот предлог ребаланс на буџетот. Тие сметаат дека ВМРО ДПМНЕ повторно сака преку грбот на настраданите да си обезбеди пари за изборни манипулации и дополнително да ги задолжува граѓаните, наместо да се откаже од како што ги нарекуваат, „смешните проекти тркала и рајски градини“.
Наместо владата експресно да им излезе во пресрет на граѓаните обезбедувајќи ги потребните 33 милиони евра преку стопирање на крајно непотребната изградба на Панорамското тркало и Рајската градина, како и пренамена на средствата во висина од 20 милиони евра веќе обезбедени од четвртата еврообврзница издадена крајот на 2015 година, таа скроила план за нови криминали тешки 232 милиони евра.
СДСМ бара веднаш, без одлагање, да се прекине изградбата на овие смешни проекти и да се пренаменат средствата на граѓаните кои втора недела се оставени сами на себе!
Граѓаните треба да знаат и дека оваа влада, не само што не сака да ги стави нивните елементарни потреби пред својот барок, не сака ниту да оддели 7% од противзаконската еврообврзница од 450 милиони евра што ја издаде пред неполн месец и планира во цел износ да ја потроши до крајот на годината!
Со ребалансот, ставката депозити не само што не предвидува на крајот на годината да останат 167 милиони евра, туку предвидува во 2016 да бидат дополнително искористени уште 65 милиони евра, се вели во соопштението
О
Владата глумејќи помош, наместо да вложи максимални напори да им помогне на настраданите граѓани, се обидува да си обезбеди 232 милиони евра за предизборни манипулации.