Стевчо Јакимовски ќе ги продолжи разгворите за соработка со ВМРО ДПМНЕ
Стевчо Јакимовски, соопшти дека советниците од Српска Напредна Странка, партијата која го предложи на локални изборите ќе разговараат за соработка со советничката група на ВМРО-ДПМНЕ.
Оваа одлука е резултат на неуспешниот обид да се коалицира со советниците од СДСМ, по што донесовме одлука да се продолжат разговори за коалицирње со ВМРО-ДПМНЕ. Јакимовски изрази жалење за неуспехот на разговорите со СДСМ.
Жалам што носат ваква погрешна одлука водени од гневот и на штета на членовите и симпатизерите на СДСМ во општина Карпош, вели Јакимовски.
Со реакција се јави СДСМ.
„Социјалдемократскиот сојуз на Македонија во ниту еден момент не бил дел од валканите пред и пост изборни договори на Стевчо Јакимовски. Денешното обелоденување на неговата коалиција со ВМРО – ДПМНЕ само е потврдување на општо познатиот факт кој сите граѓани имаа можност да го видат во вториот изборен круг на локалните избори 2013 година, каде што на контото на Стефчо Јакимовски завршија гласовите на ВМРО – ДПМНЕ. СДСМ нема намера повеќе да биде дел од лагите на господинот Јакимовски и тоа им го препушта на неговите нови сојузници, ВМРО – ДПМНЕ. Советничката листа на СДСМ во советот на општина Карпош ќе делува како конструктивна опозиција, се вели во соопштението на СДСМ.