Ваквата одлука била донесена на денешната седница, а по приемот што премиерот Димитриев го организира во чест на младата репрезентација на Македонија. ФФМ претходно најави 200.000 евра за историскиот пласман на ЕП
Младата фудбалска репрезентација го мина денот во приеми по обезбедениот пласман на Европското првенство во Полска. Од Агенцијата за млади и спорт, кај претседателот Ѓорѓе Иванов на Водно, потоа и во Владата на Република Македонија.
„На денешната седница на Владата на Реубика Македонија беше донесена одлука за наградување на фудбалерите и членовите на стручниот штаб на младата репрезентација со 70.000 евра“ стои во дел од дописот на владината прес служба.
Издвоените 4.200.000 милиони денари се симболичен чин на благодарност и поддршка од државата за нивниот спортски резултат. Премиерот, се вели во соопштението, за време на приемот потенцирал дека македонската Влада во рамки на своите ингеренции и надлежности останува отворена за натамошна поддршка за младите фудбалски репрезентативци при подготовките и настапот на Европското првенство во Полска во 2017 година.
Награда претходно најави и потврди и Фудбалската федерација на Македонија. Сумата засега е 200.000 евра меѓутоа може да биде и поголема. Конечниот износ е најавено дека ќе биде познат на првот следен состанок на Управниот одбор.
Македонија вчеравечер ја победи Шкотска со 2:0 во квалификациите и како лидер во групата 3 обезбеди директно учество на турнирот во Полска наредната година.