Велика Британија објави постхумна аболиција за сите хомосексуални и бисексуални мажи кои биле осудени за „сексуални прекршоци“.
Освен тоа, британската влада ќе им се извини и ќе ги рехабилитира починатите а за оние кои се се уште живи “прекршокот” ќе биде избришан нивните досиеја.
“Велика Британија направи голем чекор напред кон лезбејките, хомосексуалците, бисексуалците и транссеклуаците од почетокот на 21от век. Некогаш бевме земја во која имаше најголем број анти-хомосексуални закони на светот а сега станавме една од најпрогесивните нации во тој поглед”, изјави Питер Тачел, еден од најпознатите британски активисти за хомосексуалната кауза.
Станува збор за амандман на Законот за злостроство кој го доби името “Закон Туринг” според математичарот Алан Туринг кој бил хомосексуалец и кој во текот на Втората светска војна го дешифрирал кодот Енигма што го користел нацистичкиот режим. Неговата трагична приказна беше преточена во филмот “Игра на имитирање”. И покрај дешифрирањето на кодот, Туринг беше избркан од разузнавачки служби и осуден во 1952 година за “непристојно однесување”. Тој се самоуби две години подоцна. Туринг беше рехабилитиран во 2013 година.
Министерот за правда, Сем Гима, вели дека е „особено важно да им се извинат на луѓето кои биле осудени поради историски сексуални прекршоци, кои би биле невини за било каков криминал денес“.
Од вкупно 65 илјади мажи кои биле осудени додека хомосексуалноста и бисексуалноста сé уште биле кривично дело во Велика Британија, 15 илјади се живи.