Илјадници демонстранти излегоа на улиците во неколку градови во Америка на протест против изборот на Доналд Трамп за претседател изминативе 24 часа.
Со слоганот „Не си мој претседател“, многумина од демонстрантите запалија слики од Трамп.
Ваквиот развој на настаните се случува во време кога Трамп треба да се сретне со актуелниот претседател Барак Обама да разговараат за лесна транзиција во Белата куќа. Обама ја препушта Овалната соба на 20 јануари 2017 година.
Но и самиот Обама го повика американскиот народ да ги прифатат изборните резултати, откако претходно за време на кампањите ја поддржа Хилари Клинтон и рече дека Трамп не е способен да ја води земјата.
„Сега сите треба да навиваме за негов успех да ја соедини и води земјата“, изјави Обама. „На Трамп треба да му се даде шанса да води“, порачува Обама.
Во Њујорк илјадници демонстранти маршираа до Трамп кулата, несогласувајќи се со политиките на новоизбраниот претседател за миграцијата, правата на хомосексуалците и слично. Петнаесет луѓе се уапсени, пишува Њујорк Тајмс.
Повеќето од протестите се одвиваа мирно, но во Оукленд и Калифорнија полицијата употреби солзавец за да ги разбие демонстрантите.
„Не за Трамп, не за ККК, не за фашистите“, ечеше во Чикаго, додека во Портланд и Орегон привремено беа блокирани улици.
Протести се случуваа и во Филаделфија и во Бостон, Сиетл и Сан Франциско.