Носителите на кандидатските листи за пратеници на Коалицијата за демократија и правда, Павле Трајанов и Слободан Богоевски денеска на прес конференција пред Специјалното јавно обвинителство побараа да се формира специјален суд за предметите на СЈО.
https://www.youtube.com/watch?v=i8IyAKTrD4U
Трајанов, носител на листата на изборната единица 1, нагласи дека СЈО мора да продолжи да работи транспарентно, одговорно и професионално, како и да има целосна поддршка за да се справи со сите што ја попречуваат правдата.
„По 11 декември ќе направиме царски рез во судството и ќе формираме посебно судско одделение кое ќе постапува по кривичните пријави на СЈО. Веќе објавивме војна против криминалот и таа војна ќе би силна, непристрасна и секој мора тоа што го украл од народот да го врати назад и да помине 10 години во “Бизнис Центарот во Идризово”“, рече Трајанов.
Тој додаде дека СЈО не е дел од изборниот процес и од тие причини мора да работи со полн капацитет. А заканите за укинување биле класична манипулација, од „аболираното партиско раководство на ВМРО-ДПМНЕ кое со изборите сака да го прикрие грабежот на народот и масовното прислушување“.
Богоевски, кој е носител на листата во ИЕ 4 рече дека „СЈО мора да продолжи со работа, затоа што тоа е орган на прогонот и симбол на народната волја за справување со криминалот на злосторничкото здружение предводено од фамилијата на власт“.
„Специјални обвинителства и судови секогаш и секаде се формирале за специјални криминали и криминалци. Секогаш ќе ја имаат нашата силна поддршка“, рече Богоевски.