Урната со пепел од кубанскиот лидер Фидел Кастро тргна денеска од Хавана до конечното почивалиште во Сантјаго де Куба каде пред повеќе од 60 години почна Кубанската револуција.
Поворката со урната на таткото на Кубанската револуција ќе патува четири дена и ќе помине скоро 900 километри до Куба.
Урната беше изнесена од зградата на Министерството за одбрана во Хавана, сместена во мал ковчег покриен со кубанското знаме.
Остатоците на Фидел Кастро ќе бидат погребани во недела на 4. декември, со што ќе заврши девет дневната жалост за човекот кој управуваше со земјата повеќе од 50 години.
Патот по кој ќе помине поворката со урната претставува потсетување на патот кој Кастро и неговите приврзаници го поминале по победата на силите на диктаторот Батиста во 1959 година.
Лидери од бројни земји во светот, како и десетици илјади Кубанци се собраа вчера на Плоштадот на револуцијата во Хавана да му оддадат почест на Кастро на местото каде ги држеше говорите во годините по преземањето на власта.