Партијата БЕСА нема да оди на средбата со лидерот ДУИ Али Ахмети. Централното претседателство на партијата вечерва одлучило БЕСА да не се појави на средбата што ја организира Ахмети утре во 13 часот во хотелот Александар Палас, соопштија од партијата.
Посветени сме на албанските интереси, почитувајќи ја политичката волја на Албанските гласачи, имајќи во обѕир дека оваа средба е повикана од луѓе кои се спомнуваат од Специјалното Јавно Обвинителство и од тие што се осомничени за случајот “Маѓар Телеком”, како и не заборавајќи дека не подалеку од минатата недела ДУИ и ДПА , како членови на ДИК уште еднаш му служеа верно на ВМРО-ДПМНЕ,со што одземаа еден пратеник од коалицијата „Преродба со БЕСА“ за сметка на Груевски, одлучивме да не учествувме на состанокот повикан од претседателот на ДУИ.
Од БЕСА велат дека ќе ги подржат сите иницијативи кои доаѓаат од субјекти кои го унапредуваат институциналниот интерес на Албанците.
„Преродба со БЕСА“ не може да им одговори позитивно на тие кои, откако ја злоупотребија власта и волјата на Албанците за 15 години, газејќи и понижувајќи ги Албанците како никогаш порано, како и зајакнувајќи го екстремно антиалбанската фигура на Никола Груевски, ги принудија Албанците да гласаат и една Македонска партија. Иако нашиот став е цврст да не седнеме на исто ниво со овие субјекти, јавно изјавуваме дека коалицијата „Преродба со БЕСА“ ќе ги поддржува сите иницијативи кои ќе доаѓаат од сите субјекти кои што го бранат и унапредуваат институционалниот интерес на Албанците и евро-атлантскиот стратешки интерес на државата, стои во соопштението на БЕСА.
Досега поканата на Ахмети ја прифатија од Алијансата за Албанците, а од ДПА нема одговор дали ќе се појават.