СП во ракомет: ИХФ ја казни Македонија со 500 франци

Петстотини швајцарски франци ќе плати Ракометната федерација на Македонија (РФМ) поради тоа што репрезентативците не го запазиле нумеричкиот редослед на броевите на дресовите при претставувањето пред натпреварот со Тунис во првото коло во Светското првенство во Франција.

Казната ја изрече Светската ракометна федерација (ИХФ) за прекршување на едно од нејзините правила во вообичаениот протокол за секој настап.

За слично невнимание РФМ беше парично санкционирана и за време на ланското Европско првенство во Полска. Пропустот тогаш се однесуваше на настап на ракометарите во различна боја на чорапи што беше причина за казна и на другите ракометни федерации.