Обезбедувањето најмено од Македонската православна црква (МПЦ) предизвика инцидент со новинарите на денешната цеременија по повод празникот Богојавление – Водици каде што на мостот кај „Холидеј ин“ пладневно се фрлаше „Светиот крст“ положен од архиепископот охридски и македонски г.г. Стефан. На чинот на положувањето на крстот во Вардар присуствуваа премиерот Емил Димитриев и градоначалникот на Скопје Коце Трајановски. Новинарите се пожалија на грубо и, според нив, нецивилизирано однесување од страна на обезбедувањето кое ги спречило и да снимаат кусо интервјо со победникот во фаќањето на крстот.
Ние бевме горе на мостот. Не имаше повеќе редакции. Кога пријде човекот кој го фати крстот, обезбедувањето почна да не турка. Беа комплетно непристојни, еден метар ме отфрлија туркајќи ме, среќа не паднав, ако паднев ќе ме прегазеше толпата., објаснува новинарката на регионалната „Ал Џезеира“, Маја Блажевска, чија што екипа била таму за да го покрие овој настан, но нивната работа била спречена.
Блажевска вели дека недемократската и насилничка традиција во односот кон новинарите и медиумите веќе е пресликана насекаде, па така , сега гледаме непријателски однос од сите чинители во општеството.
НОВАТВ разговараше и со новинари од другите редакции. Сите ги споделија истите искуства и објаснија дека биле третирани насилнички и на минатогодишното фаќање на крстот, не само сега.
Порталот „Либертас“ објави видео од инцидент помеѓу новинарот на ТВ Сител, Александар Спасовски – Сарма, и обезбедувањето најмено од МПЦ. На видеото се гледа дека десетици обезбедувачи го заобиколуваат и почнувааат да го туркаат Спасовски, на што тој возврати, а потоа беше отстранет.
На чинот на положувањето на крстот во Вардар присуствуваа премиерот Емил Димитриев и градоначалникот на Скопје Коце Трајановски.