ДУИ вечерва одлучува за коалиција со ВМРО-ДПМНЕ

Вечерва се очекува претседателството на Демократската унија за интеграција на состанок во Мала Речица да одлучи дали ќе коалицира со ВМРО-ДПМНЕ.

Во ДУИ е се уште е неизвесно како ќе се одлучи на состанокот, со оглед на тоа што Ахмети не само што се соочува со бунт на потпретседателите, туку и притисок доаѓал и од тројца од нивните новоизбрани пратеници во Собранието, кои што, според написите во повеќе медиуми се заканиле дека нема да го гласаат изборот на таа влада.

Потпретседателите на ДУИ Теута Арифи, Невзат Бејта, Изет Меџити и Садула Дураку во изминатиот период отидоа контра желбата на лидерот Али Ахмети којшто има поддршка од Муса Џафери, Бујар Османи и Абдилаќим Адеми.