Судија во Франција издаде наредба да му се суди на поранешниот претседател Никола Саркози за нелегално финансирање на изборна кампања.
Саркози се соочува со обвинение дека неговата партија фалсификувала документи во обид да сокрие 18 милиони евра кои биле потрошени во кампањата во 2012 година. Поранешниот претседател на Франција постојано негираше дека бил свесен за прекумерното трошење.
Тој на изборите во 2012 година изгуби од Франсоа Оланд и не успеа во својот обид да се кандидира повторно на претстојните претседателски избори оваа година.
Со какви обвиненија се соочува Саркози?
Случајот е познат како Бигмалион скандал. Партијата на Саркози, заедно со една ПР агенција, ги сокриле вистинските трошоци за претседателската кампања во 2012 година.
Франција има законски дозволен лимит на трошење во кампањата, и наводно фирмата „Бигмалион“ дала пари на партијата на Саркози наместо во кампањата, дозволувајќи и на УМП да го надмине дозволениот лимит.
Вработените во „Бигмалион“ признаа дека биле запознаени со измамата и неколку членови на УМП веќе се соочуваат со обвиненија. Судскиот случај на Саркози се очекува да се фокусира на тоа дали поранешниот лидер бил свесен за наводната измама.
Тринаесет други луѓе, исто така, се очекува да излезат пред суд.
Сепак, судски извори велат дека можно е да има жалба против наредбата на судијата за процес, бидејќи таа беше направена од еден од двајцата судии што го водат случајот.
И Фијон и Ле Пен под истрага за злоупотреба на државни пари
Ваквиот развој резултира откако и други француски политичари се соочија со прашања во однос на нивните финансиски зделки.
Франсоа Фијон, кој го победи Саркози во битката за претседател на централно-десничарската партија е обвинет за злоупотреба на јавни средства за вработување на неговата сопруга и двете деца.
Во меѓувреме, Европскиот парламент бара десничарскиот лидер Марин Ле Пен, да и ги врати на Франција парите од државниот буџет, со кои ги плаќала нејзините помошници во седиштето на партијата Национален фронт во Париз.
Саркози е вториот француски претседател кој треба да биде изведен пред суд од 1958 година, кога е формирана сегашната француска република.
Поранешниот лидер на Жак Ширак доби две години условна затворска казна во 2011 година за пренасочување на јавните фондови и злоупотреба на довербата на јавноста.
Кој е Никола Саркози?
Син на унгарски имигрант и мајка Французинка со грчко- еврејско потекло, кој пораснал во Париз
Својата политичка кариера ја почнал како градоначалник во богатото париско предградие Неји (1983-2002)
Го доби прекарот претседател “Блинг Блинг” од критичарите поради неговиот стил на лидерство
Како претседател, протурка повеќе реформи, вклучувајќи ги зголемување на возраста за пензионирање од 60 на 62 и намалување на работната недела на 35 часа.