Доналд Трамп ќе го зголеми буџетот на Пентагон за 54 милијарди долари или во проценти, за 9 отсто. Со ова новата администрација на САД сака да одговори на “опасниот свет”. Зголемување на буџетот на одбраната ќе биде компензирано со намалување на американската хуманитарна помош.
Денес Трамп треба за прв пат да му се обрати на Конгресот и во тој говор тој ќе го презентира буџетот за 2018 година. Според Белата куќа, со овој буџет Трамп ќе најави дека ќе го исполни своето ветување од изборната кампања за заштита на Американците.
Ова ќе биде најголемото зголемување на воениот буџет на САД од времето на администрацијата на Роналд Реган од 80те години, вели директорот на Буџетот Мик Малвени. Во врска со намалувањето на хуманитарниот буџет на САД, тој додава дека отсега ќе се трошат помалку во странство а повеќе дома.
“Ние мораме да победиме, ние мораме да почнеме повторно да го добиваме војните”, изјави Трамп пред американските гувернери. И додаде:
“Кога бев млад, сите велеа дека ние никогаш не губиме војна. Се сеќавате? Америка никогаш не губеше. А сега, ние никогаш не добиваме војна”.
Новата американска власт подвлекува дела ова е само почеток на процесот и засега одбива да даде детали за, на пример, буџетот на американската дипломатија или агенцијата за заштита на животната околина.
Воениот буџет претставува половина од буџетот за функционирање на федералната држава.
“Повеќе ќе дознаете во вторник. Тоа ќе биде голем настан, порака до светот во овие опасни времиња, околу определбата и силата на Америка”, изјави Трамп најавувајќи го својот говор во Конгресот. Тој пред неколку дека рече дека ова ќе биде “најголемото зајакнување на моќта на војската во историјата на Америка”.
Според демократите, ова зголемување ќе биде “на штета на програмите за заштита на средната класа кои го штитат граѓаните од Вол Стрит и програми кои обезбедуваат квалитет на воздухот и водата” во САД.
Претходниот претседател Обама го намали буџетот на војската со повлекувањето на американските трупи ов Авганистан и Ирак. И покрај тоа американскиот воен буџет беше најголемиот во светот во моментов изнесува 600 милијарди долари односно 3,3 отсто од бруто националниот приход на САД.
Овој буџет е поголем од буџетот на Кина и осум пати поголем од буџетот на Русија, тврди шведскиот институт Сипри.