Откако Доналд Трамп побара од војската да му состави план за уништување на Исламската држава, Пентагон достави документ до Белата куќа за планираната стратегија.
Борбата против ИСИС беше едно од клучните прашања во кампањата на Трамп, кој потенцираше неколку пати дека Барак Обама и Хилари Клинтон се директно одговорни за нејзиното создавање.
Тој од Пентагон побара „тотално уништување“ на џихадистите на ИСИС.
Министерот за одбрана Џејмс Матис го стави потписот на документот и го достави до најблиските советници на Трамп, јавуваат светските медиуми.
– Се работи за брза победа над ИСИС. Ќе продолжиме со дијалогот во рамките на нашата линија на команданти за да го разработиме процесот, изјави портпаролот на Пентагон, Џеф Дејвис.
Според шпекулациите кои се поврзуваат со извори од Пентагон, овој план се состои од испраќање на повеќе американски војници на Блискиот Исток.