Депортиво ла Коруња и Атлетико Мадрид ремизираа (1:1) на „Риазор“ во меч од 25 коло во шпанска Примера што падна во сенка на стравичниот момент од 85 минута и падот на Фернандо Торес, по еден воздушен дуел со Алекс Бергантинос, по што шпанскиот репрезентативец остана на тревникот во безсознание.
Прекинот траеше пет минути и предизвика бурна реакција од Диего Симеоне кон четвртиот судија додека соиграчите на Торес, но и на домашната екипа, беа во шок и не можеа да поверуваат во глетката. Последните пет минути плус судиското продолжение го одиграа без возбудувања и едвај чекаа на главниот судија да означи крај.
https://www.youtube.com/watch?v=XjWeN1tFG5k
По првичната интервенција на медицинскиот персонал и стабилизирање на состојбата, напаѓачот на мадриѓани беше изнесен на носилки и веднаш превезен во болница на натамошни прегледи.
Засега не е позната природата на повредата. Раководството на Атлетико Мадрид објави дека Торес дошол при свест и почнал да говори, но дека ноќта ќе ја мине во болнички кревет.
Депортиво поведе во 13 минута со голот на Флорин Андоне, израмни Антоан Гриман во 68. Со освоениот бод, екипата од Ла Коруња има вкупно 20 и се наоѓа на 17 место на табелата. Атлетико Мадрид останува на четвртото место со 46 бода.
Во вториот вечерашен дуел со кој беше заокружено 25 коло во Примера, Севилја го совлада Атлетик Билбао со 1:0.