Лестер со нова важна победа во борбата за опстанок во Премиерлигата, втора по отказот на Клаудио Раниери. По Ливерпул (3:1), англискиот шампион попладнево го совлада и Хал со идентичен резултат и покрај погодокот на Клукас во 14 минута за водство на гостинската екипа. Фухс израмни во 27 минута, Марез во 59 минута го најави пресвртот што беше комплетиран со автогол на Хадлстон во 90 минута.
„Лисиците“ на тој начин прекинаа и една непријатна традиција во последните 17 настапи во кои само трипати успеваа да извлечат реми кога први примаа гол.
Манчестер ремизира со Борнмут со играч повеќе, Ибрахимовиќ промаши пенал
Манчестер јунајтед одигра 1:1 против Борнмут во првиот меч од 27 премиерлигашко коло. „Црвените ѓаволи“ не успеаја до цел плен против аутсајдерот иако цело второ полувреме имаа фудбалер повеќе. Во последната минута од првиот дел исклучен беше Сурман (главниот судија со мирна совест можеше да покаже втор жолт картон и за Ибрахимовиќ), а Швеѓанецот во второто (72 минута) промаши и пенал (Артур Боруч не дозволи да биде совладан).
И покрај неколкуте прилики на Манчестер јунајед до крајот, Борнмут , сепак, издржа да не прими втор гол и со себе да понесе голем бод од гостувањето на „Олд трафорд“.
Премиерлига, 27 коло
Резултати
Лестер – Хал 3:1
Стоук – Мидлсборо 2:0
Свонси – Барнли 3:2
Вотфорд – Саутемптон 3:4
ВБА – Кристал палас 0:2
Манчестер јунајтед – Борнмут 1:1
Ливерпул – Арсенал (во тек)
Тотенхем – Евертон (недела, 14.30 ч.)
Сандерленд – Манчестер сити (недела, 17 ч.)
Вест Хем – Челзи (понеделник, 21 ч.)