Кошаркарите на МЗТ Скопје одиграа уште еден, резултатски, тесен и играчки драматичен меч пред своите гледачи, но овојпат на крајот се радуваше гостинската екипа. Задар славеше во СЦ „Јане Сандански“ со 85:80 (18:15, 21:24, 22:24, 24:17) во меч со кој беше заокружено третото коло од регионалното натпреварување.
Победникот беше решен во последната минута во која „штрковите“ влегоа со 80:78. Шиме Шпраља, кој го тој момент немаше реализација (0/5 за три, 0/2 за два поена), „испали“ тројка за водство на хрватскиот состав со 81:80, а кон него, до крајот, се надоврзаа и Престон Ноулс и Лука Божиќ за серија од 7:0 и прва победа во сезоната за тимот од Далмација.
Лука Божиќ го понесе епитетот МВП на натпреварот и воопшто на третата рунда. Настапот во Скопје го одбележа со 16 поени, девет скока и четири асистенции за индекс на корисност 32. Најефикасен на паркетот во СЦ „Јане Сандански“ беше Јуре Лалиќ со 23 поени, Гарсија додаде 15, Дамјан Стојановски 11. Ефектот на триото, сепак, не беше доволен за амортизирање на последиците од 20. загубени топки на составот на Александар Тодоров и избегнување на вториот пораз во сезоната.
МЗТ Скопје во првото коло го совлада Партизан со 92:89 по што доживеа убедлив пораз на гостувањето кај ФМП со (72:100). Наредниот понеделник (21 ч.) македонскиот шампион ќе патува во Лакташи кај тимот на Игокеа.
МЗТ Скопје Аеродром – Задар 80:85
По четвртини: 15:18, 24:21, 24:22, 17:24. Сала: СЦ „Јане Сандански“ во Скопје. Судии: Дамир Јавор (Словенија), Сашо Петек (Словенија), Бранислав Мрдак (Србија)
МЗТ Скопје Аеродром: Митев, Гарсија 15, Стаиќ 4, Јансен 7, Мекиќ 1, Лалиќ 23, Пенов, Минчев 4, Трајковски 9, Д. Стојановски 11, Маслинко, Бајли 6. Тренер: Александар Тодоров.
Задар: Ноулс 25, Башиќ 3, Иванов 12, Јеленковиќ, Крајина 4, Вуковиќ 5, Брзоја 17, Шпраља 3, Томас, Божиќ 16. Тренер: Арамис Наглиќ.
АБА лига, 3 коло
МЗТ Скопје Аеродром – Задар 80:85
Будуќност – Цибона 71:62
Цедевита – Игокеа 79:84
Петрол Олимпија – Црвена звезда 73:82
Партизан – ФМП 87:84
Мега Бемакс – Морнар 91:70
Табела: Црвена звезда 6, Мега Бемакс 5, Цедевита 5, Игокеа 5, Будуќност 5, ФМП 4, Партизан 4, Цибона 4, Задар 4, Петрол Олимпија 4, МЗТ Скопје Аеродром 4, Морнар 4.
Идно коло
Задар – Партизан (сабота, 17 ч.), Морнар – ФМП (сабота, 19 ч.), Цибона – Цедевита (сабота, 21 ч.), Мега Бемакс – Петрол Олимпија (недела, 17 ч.), Црвена звезда – Будуќност (недела, 19 ч.), Игокеа – МЗТ Скопје Аеродром (понеделник, 21 ч.).