„Присуството на Претседатели на држави, Премиери, Министри за надворешни работи, познати имиња од јавниот и општествениот и политичкиот живот од регионот, Европа и САД, ја потврдува репутацијата што ја создаде првиот Преспа Форум.

Покрај одличната соддржина и теми кои беа дискутирани на форумот, морам да кажам исто така дека одличната организација од страна македонското МНР, и другите служби на Владата, потврдија дека нашите институции се спремени да се носат со големи организациски предизвици“ изјави советникот за надворешни работи на премиероот Заев, Едмонд Адеми за „Фронтлајн“

Тој додаде дека успешната реализација на првиот Преспа Форум ја ставил земјава на светската мапа на важни регионални и европски форуми.„Можеме да констатираме, дека Република Северна Македонија и Преспа Форумот се ставени на светската мапа на важни регионални и европски форуми, заедно со Блед Форум, Давос, Минхенската конференција и други“ исткана Адеми.

Советникот за надворешни работи во изјавата за „Фронтлајн“ кажа дека овој форум ќе прерасне во традиционален форум кој ќе се одржува секоја година и ќе стане бренд на нашата држава.

На првиот Преспа Форум учествуваа преку 300 учесници, високи домашни и светски политичари и дипломати, меѓу кои имаше и премиери, претседатели, министри, генерални секретари на меѓународни организации, европратеници, претставници на граѓанскиот сектор. На форумот исто така беа акредитирани над сто домашни и странски новинари.