Катица Јанева која е осомничена во случајот „Рекет“ денеска беше спроведена од затворот Шутка во Обвинителството за гонење на организиран криминал и е известена дека истрагата за слуачјот е завршена.
Нејзината адвокатка Ирена Фрчковска рече дека Јанева ќе даде исказ откако ќе ги види доказите против неа.
„Во четврток ќе има увид во доказите, а потоа ќе даде и исказ“ рече адвокатката Фрчковска.
Другиот адвокат на Јанева Дељо Кадиев рече дека откако ќе го добијат известувањето дека истрагата е завршеан веднаш ќе побраат на Јанева да и биде одреден куќен притвор, затоа што повеќе нема опасност од влијание врз сведоци.
„Со завршувањето на истрагата отпаѓа основот за притвор – влијание врз сведоци, и останува само основот за можност од бегство. Ќе понудиме гаранција таа да се брани од слобода. Кога ќе го добиеме известувањето, веднаш ќе се обратиме до Судот, мислам дека е обврска и на Обвинителството е кое треба да води сметка и за тоа осомничените се помалку време да поминуваат во притвор“ рече Дељо Кадиев, адвокат кој Јанева исто така го ангажирала да ја брани во случајот Рекет.
Јанева е под стрес има и хронични болест додадоа нејзините адвокати.
Обвинителството за гонење на организиран криминал и корупција ја заврши истрагата за Рекет односно за тргувањето со влијание за „Империја“, во кој се осомничени три лица Бојан Јовановски, Зоран Милевски и Катица Јанева – дека земале пари од Орце Камчев за тој да добие олеснителни околности во случај кој го отвори СЈО – Империја.
Паралелно со оваа истрага, во Обвинителството за гонење на организиран криминал се води истрага и за Меѓународниот сојуз на Боки 13 и парите кои бзинсимени ги уплатувале за наводна изградба на старечки домови.
Во изминатиот период во врска со овој случај во Обвинителството сведочеа бизнисменот Силјан Мицевски, водителката Лила Филиповска и пратениците Фросина Ременски и Александар Кирацовски, како и претседателката на Собранието на Меѓународниот сојуз Агапи Дика и бизнисменот Зоран Азманов.
Адвокатката Фрчковска рече дека Јанева не е дел од истрагата за Меѓународниот сојуз.