Интеграцијата на земјата во ЕУ е примарен приоритет и на коалицијата ВЛЕН и на сегашната влада и парламентарното мнозинство.
Не е случајно што тоа е првата точка во владината програма. Сепак, сите сме свесни за сложеноста на прашањето за уставните измени.
Постојат заложби и консензус за нивно усвојување, но се обидуваме да најдеме рационален модел кој нема да го загрози целиот процес.
Знаете дека жртвата што ја направи нашата држава со промената на името резултираше со пад на интересот и довербата кај граѓаните во европските интеграции. Доколку сега направиме нов компромис, а процесот повторно се услови со билатерални или идентитетски прашања, тоа целосно би го разурнало процесот и нашата стратешка цел.
Затоа, лесно е да се гласаат уставните измени, но мора да бидеме внимателни и претпазливи за последиците што тие би можеле да ги донесат. Поради тоа, се стремиме да обезбедиме предвидливост во целиот процес, вели Претседателот на Собранието на РСМ Африм Гаши.
Во оваа заложба сме обединети сите, вклучувајќи ја Владата, Собранието и јас како претседател. Како што знаете, владата го именуваше министерот Орхан Муртезани за главен преговарач со ЕУ, и тој игра активна улога во обезбедувањето политичка поддршка и во гарантирањето на реализацијата на реформската агенда, која претставува клучен елемент на интеграцијата – покрај решавањето на контекстот со Бугарија. Исто така, и јас како претседател на Собранието, преку парламентарната дипломатија, реализирав бројни посети во европските престолнини, каде што ја нагласив чувствителноста на ситуацијата и наидов на искрено разбирање и поддршка од нашите европски сојузници и пријатели.
Интервјуто со Претседателот на Собранието на Република Северна Македонија, НОВА ќе го објави во своето утрешно издание.