Судија на претходна постапка одреди 30 дневен куќен притвор за познатата македонска актерка Силвија Стојановска која попладнево во Скопје беше приведена и однесена во Кривичниот суд. По барање на Обвинителството за гонење на организиран криминал и корупција е изречена мерка притвор за лицето В.Б. Против ова решение, двајцата имаат право на жалба пред Кривичниот совет.
Судски извори за НОВА, потврдија дека актерката е уапсена во Скопје заедно со нејзиниот партнер, а неговиот брат бил упасен во Шпанија за шверц на 700 кг. кокаин. Актерката, според нив, наводно помагала со логистика и подигнување на парите.
„Пред судија на претходна постапка при Основниот кривичен суд Скопје доцна попладнево беа спроведени две лица со предлог на Обвинителството за определување мерки за обезбедување присуство. По ценење на фактите и доказите, судија на претходна постапка го прифати предлогот на Обвинителството и на С.С. и определи мерка „куќен притвор“, а на В.Б. му определи мерка притвор за двајцата во траење од 30 дена“, информираат од Кривичниот суд
Стојановска е една од најпознатите македонски актерки која играла многу филмски и, пред се, театарски улоги, а последните години е актуелна со нејзината улога во македонската серија „Фамилијата Марковски“.