До 18:30 часот, на територијата на државата регистрирани се вкупно 22 пожари на отворен простор, од кои 11 се активни, информираат од ЦУК.
Три пожари се под контрола, а осум се изгаснати.
Министерството за внатрешни работи соопшти дека поради пожар кој настана попладнево, затворен за сообраќај е автопатот од наплатната рампа Миладиновци до клучка Бунарџик, во двата правци. Возилата се пренасочуваат кон Петровец.
Од МВР апелираат до граѓаните да не се упатуваат кон овој дел од автопатот додека не се создадат услови за повторно пуштање на сообраќајот.
АКТИВНИ ПОЖАРИ:
Општина Македонски Брод – помеѓу с.Црешнево, с.Локвица и с.Крапа (деградирана дабова шума, грмушки и ниска вегетација)
Општина Василево – с.Нивичино (нискостеблеста шума)
Општина Струга 1 – с.Ложани (ниска вегетација)
Општина Струга 2 – помеѓу с.Дрслајца и с.Мороишта (ниска вегетација)
Општина Желино – с.Ларце (ниска вегетација)
Општина Тетово – с.Селце (ниска вегетација)
Општина Јегуновце – с.Јегуновце (нискостеблеста шума и ниска вегетација)
Општина Македонска Каменица – с.Костин Дол (ниска вегетација)
Општина Куманово – с.Табановце (ниска вегетација)
Општина Куманово – с.Четирце (ниска вегетација)
Општина Илинден – с.Мршевци, помеѓу Рафинерија и Индустриска зона Бунарџик (ниска вегетација и борова шума)
ПОЖАРИ ПОД КОНТРОЛА:
Општина Велес – кај селата Џидимирци, Крушје и Иванковци (мешана шума)
Општина Дојран – с.Николич (нискостеблеста шума)
Општина Демир Хисар – градска депонија
ИЗГАСНАТИ ПОЖАРИ:
Општина Гостивар – с.Тумчевиште (ниска вегетација)
Општина Кочани – с.Долни Подлог (ниска вегетација)
Општина Неготино – с.Црвени Брегови (ниска вегетација и жито)
Општина Старо Нагоричане 1 – с.Младо Нагоричане (ниска вегетација)
Општина Старо Нагоричане 2 – с.Стрновац (ниска вегетација)
Општина Куманово – с.Агино Село (ниска вегетација)
Општина Кратово – с.Трновац (ниска вегетација)
Општина Гази Баба – н. Керамидница (ниска вегетација)
Центарот за управување со кризи попладнево соопшти дека поради ветер кој го зафати подрчјето на Општина Куманово и Град Скопје на повеќе локации од искрење на жици предизвикни се пожари.
Во Скопскиот регион пожари се пријавени помеѓу Индустриска Зона Бунарџик и рафинерија Окта.
Во Општина Куманово и Општина Старо Нагоричане се пријавени пожари во село Романовце, Агино Село, Табановце, Шупњи Камен, Младо Нагоричане и Стрновац.
Директорот на Дирекцијата за заштита и спасување, Стојанче Ангелов вели дека поради временските услови не може да се користат ер-тракторите и хеликоптерите.