Осум неисправни возила, од кои три во Тетово и пет во Гостивар, откриле и санкционирале полициски службеници на СВР Тетово во акциската контрола на техничката исправност на возила што вршат jавен превоз на патници, претежно автобуси и комбиња.
Шест од санкциоираните возила, по три од Тетово и Гостивар, имале неисправни сопирачки. Едно возило од Гостивар било со неисправен уред за управување, а едно со неизвршен технички преглед.
„Сите неисправни возила се исклучени од сообраќај и за нив се изготвени соодветни поднесоци. При контролата, исто така, санкционирани се и четири други видови сообраќајни прекршоци, по два во Тетово и во Гостивар“, соопшти МВР.