Close Menu
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
What's Hot

Емил Цветанов: Федерацијата работи во интерес на сите клубови и спортисти подеднакво

November 19, 2026

Украинската амбасадорка Дир: Милиони животи се загрозени поради студот и темнината

October 30, 2026

34 години АРМ: Од „боси по трње“ до рамноправна и достојна членка на НАТО

August 16, 2026
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
НОВА ТВНОВА ТВ

Албанија: Спасувачките тимови во битка со времето во потрагата по преживеани

0
By Нова ТВ on November 26, 2019 СВЕТ
СПОДЕЛИ
Facebook Twitter LinkedIn Email
Published: Tuesday, November 26, 2019 15:57

Најмалку 14 лица загинаа, а околу 600 се повредени во земјотресот со јачина од 6,4 степени што утрово ја погоди Албанија. Најновите податоци за жртвите ги објави албанското Министерство за одбрана, откако се пронајдени телата на уште пет жртви.

Седум тела биле извлечени од урнатините во крајбрежниот град Драч, на 33 километри западно од главниот град Тирана, а пет тела се пронајдени во урната станбена зграда во северниот град Тумане.

Едно лице го загуби животот откако скокнало од својот дом во Курбин, на 50 километри северно од главниот град, додека друго лице почина на патот што се урна во северниот град Љеш, се вели во соопштението.

– Драч и Тумане се двете најтешко погодени локалитети, со голема материјална штета и … трагично загубени животи, рече министерката за одбрана Олта Џачка.

Таа рече дека работата за пребарување и спасување продолжува на сите локации каде се урнале згради.

– Но, овие се екстремно тешки операции, каде што треба да работите бавно бидејќи постои голем ризик од натамошно уривање, што ги загрозува не само жителите, туку и заробените, како и самите спасувачи, додаде таа.

Посебно тешка е ситуацијата во Драч каде спасувачите со раце ги чистат урнатините во потрага по преживеани.

Според најновите информации на албанскиот премиер Еди Рама, спасени се 28 лица, јави АТА.

Рама нагласи дека сите владини агенции работат во вонредна состојба и интензивно  на спасување на луѓе од Драч и Тумане.

Околу 400 војници поставуваат шатори во два града за да ги сместат луѓето чии домови се оштетени.

Епицентар на потресот е лоциран меѓу Драч и Тирана, на длабочина од десетина километри. По силниот земјотрес, следуваа уште неколку потреси, од кои последниот, со интензитет од 5,4 степени беше евидентиран во 7.10 часот.

Во тек се спасувачки операции, во обид да се извлечат затрупаните од под урнатините. Покрај другите структури во справување со ситуацијата вклучени се и над илјада припадници на полицијата, како и пожарникарските служби и војската.

Соседно Косово соопшти дека е испратен тим за итни ситуации, кој ќе помогне во спасувачките акции, и ќе биде обезбеда финансиска помош од 500.000 евра, додека ЕУ и САД веднаш понудија итна поддршка.

„Европската Унија и стои на располагање на Албанија по земјотресот кој ја погоди земјата рано изутринава“, соопштија службите за надворешни работи на ЕУ.

„ЕУ е солидарна со Албанија и подготвена да понуди асистенција, вклучително преку Механизмот за цивилна заштита на ЕУ. Нашиот центар за координација на итната помош е во постојан контакт со властите за цивилна заштита на Албанија“, информираат од прес службата.

Албанскиот премиер Еди Рама, на својот профил на Твитер објави дека Црна Гора и Србија испратиле свои спасувачки тимови во Албанија.

– Црногорскиот премиер (Душко) Марковиќ ми кажа дека специјален тим за евакуација на повредените е на пат кон Албанија, додека друг спасувачки тим тргна од Србија – ми соопшти претседателот Александар Вучиќ, напиша Рама.

Албанското Министерство за спорт, образование и млади информираше дека е откажана наставата во училиштата во Тирана, Драч и Лежи.

Владата денеска соопшти дека одобрила првична финансиска помош од 6 милиони денари, а во Албанија заминува и тим на противпожарната единица.

Градоначалникот на Скопје, Петре Шилегов информираше дека ќе биде испратени екипа во Албанија за помош на граѓаните.

„Во договор со градоначалникот на Тирана, Град Скопје кон Драч ќе упати специјална екипа опремена со термални дронови за помош при пребарувањето на преживеани под урнатините. Правиме сè што е можно за помош во овие трагични моменти“, истакна Шилегов.

Владата на Република Северна Македонија на денешната седница како прва точка ќе ги разгледа сите можности за помош на Албанија по ноќешниот силен земјотрес во кој има и човечки жртви. Вицепремиерот за европски прашања Бујар Османи денеска изрази сочуство до семејствата на загинатите и рече дека тој утринава веќе неколку пати зборувал со албанскиот министер за надворешни работи со цел да ги чуе нивните потреби за помош.

Османи информираше дека екипа од дваесетина спасувачи во координација со Дирекцијата за заштита и спасување веќе се подготвуваат да одат во погодените места.

Грчкиот министер за надворешни работи Никос Дендиас, веднаш по посетата на официјално Скопје, ќе отпатува во Албанија, во знак на солидарност по силниот земјотрес.

– По наредба на грчкиот премиер, итно ќе биде доставена помош на Албанија заради справување со последиците од земјотресот, кој ја погоди земјата“, напиша Дендиас на Твитер, дополнувајќи дека од Скопје заминува во Тирана.

Албанскиот претседател Илир Мета, кој го посети Туман, едно од најпогодените места, изјави дека со посебно внимание ја следи ситуацијата по земјотресите што ја погодија неговата земја, оценувајќи ја како многу драматична.

– Се прави се што е можно да се извлечат луѓето од под урнатините, изјави Мета.

Претходно тој ги посети повредените во клиниката за трауматологија во Тирана.

– Денеска е важно да се биде со луѓето кои имаат потреба. Битно е, исто така, што побрзо да се евидентираат сите оштетени објекти во погодените области. Би сакал да се заблагодарам на медицинскиот персонал, кој е во целосна готовност, рече Мета.

Претходно и премиерот Еди Рама ситуацијата ја оцени како драматичен момент.

Земјотресот е почувствуван во Северна Македонија, Хрватска, Црна Гора, БиХ и Италија. Потресот најсилно е почувствуван во црногорските градови Подгорица и Улцињ, кои од епицентарот се оддалечени 120, односно 70 километри. Засега нема информации за евентуална материјална штета или повредени во Црна Гора.

– Земјотресот кој утрово ја погоди Албанија, а кој беше силно почувствуван и во Црна Гора, е еден од најсилните регистрирани, покрај оној од 1979 година, изјави началничката во црногорскиот Заводот за сеизмологија Јадранка Михаљевиќ. Таа потенцираше дека не може да се процени дали во следните денови епицентарот би можел да биде и во Црна Гора.

Михаљевиќ истакна дека после вака силен земјотрес, серијата потреси може да трае и до два месеца, но и дека поинтензивни потреси се очекуваат во следните денови.

– Земјотресот од 21 септември, кој изнесуваше 5,6 степени по Рихтеровата скала беше вовед во активацијата на сеизмогената активност. Тлото и натаму не мирува, посочи Михаљевиќ.

Ова е втор земјотрес  кој ја погодува Албанија за нешто повеќе од два месеци. Земјотрес со јачина од 5,6 степени го затресе тлото во таа земја на 21 септември, кој беше оценет како најсилен во последните 30 години.  Фотографиите од урнати или полусрушени згради сугерираат дека денешниот земјотрес е посилен од оној во 1979 година, што го погоди северниот град Скадар, на границата со Црна Гора. Ниту еден од тие два претходни земјотреси не предизвика жртви.

Американскиот геолошки институт соопшти дека Албанија не се наоѓа во така наречениот земјен „огнен прстен“ и оти нема опасност од цунами.

– Албанија се наоѓа во близина на линијата на тектонски плочи кои поминуваат под Италија, што го прави регионот подложен на осцилации, се наведува во соопштението на Американскиот геолошки институт.

Share. Facebook Twitter LinkedIn Email
ТИКЕР

Почнува смената на власта во Србија: Конститутивна седница на Народното собрание

November 17, 2026

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026
shortcut
ФОКУС
September 30, 2026Updated:September 30, 2026

Мицкоски пред средбата со Фон дер Лајен: Подготвени сме за разговор и решение, обврските ги наследивме од претходната власт

ПОЛИТИКА September 30, 2026

Претседателката на Европската комисија Урсула фон дер Лајен в петок, 2 октомври, ќе престојува во…

Исланд гласа за или против обновување на преговорите за членство во Европска Унија

August 29, 2026

Техеран го повика Вашингтон да признае воен пораз

August 16, 2026

Букурешт: Дуња Иванова четврта на Балканот во МТБ маратон во Романија – 73 км. должина и 2.400 м. висинска разлика

August 15, 2026
ТИКЕР

Почнува смената на власта во Србија: Конститутивна седница на Народното собрание

November 17, 2026

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026
CIVICA
Facebook
  • Редакција
  • Маркетинг
  • Политика на приватност
© 2026 НОВА ТВ

Type above and press Enter to search. Press Esc to cancel.