Европската комисија во април годинава предупреди дека визната либерализација, одобрена за Косово, се однесува само на имателите на косовски пасоши, истото тело – во средината на ноември – даде препорака за укинување на визите и за имателите на административни пасоши. Државјанин на Србија баран од ИНТЕРПОЛ вчера е уапсен во Звечан, поради сомнение дека сторил кривично дело криумчарење стока, вадење или оштетување службени пломби.
Ова се дел од темите од редакцискиот избор на ЦИВИЛ Медиа, од албанските медиуми во регионот за денешното издание на АЛ-Прес.
КОСОВО
РСЕ: Косовските пасоши за Србите – прашање на интеграција или избор
Откако Европската комисија во април годинава предупреди дека визната либерализација, одобрена за Косово, се однесува само на имателите на косовски пасоши, истото тело – во средината на ноември – даде препорака за укинување на визите и за имателите на административни пасоши, Координација. кој функционира во рамките на Министерството за внатрешни работи на Србија.
Владата на Косово тогаш ја изрази својата „загриженост“ за таквиот предлог без претходна консултација или известување.
Официјална Приштина не ги признава српските пасоши на Координативната управа, бидејќи ја смета за нелегална институција, пренесе РСЕ на албански јазик.
Зери: И денеска во Хаг продолжува судскиот процес против поранешните лидери на ОВК
Судскиот процес против поранешните водачи на ОВК се очекува да продолжи денеска од 09:30 часот. Заштитениот сведок W04444, за кој се тврди дека бил уапсен и малтретиран од припадниците на ОВК во соодветниот период, беше 35-от сведок на ЗПС во судењето на Тачи и другите, кои сведочеа вчера на 13 ноември.
За судскиот случај „Тачи и други“ неделава се планирани четири рочишта, пренесе Зери.
Газета Експрес: Во Звечан уапсен српски државјанин баран од ИНТЕРПОЛ
Државјанин на Србија бил уапсен вчера во Звечан поради сомнение дека сторил кривично дело криумчарење стока, вадење или оштетување службени пломби, пишува Газета експрес.
Според полицијата, по проверка се испоставило дека се работи за лице барано од ИНТЕРПОЛ, пренесе Газета Експрес.
АЛБАНИЈА
Клан: Албанија ја слави 79-годишнината од ослободувањето
Денеска се одбележуваат 79 години од ослободувањето на земјата од окупацијата на нацистичка Германија. Во чест на овој ден, државните авторитети ќе се поклонат на Народните гробишта во чест на хероите од НОБ.
Во текот на денот ќе има неколку активности кои во Тирана кулминираат со таканаречената Бела ноќ и големиот концерт во вечерните часови.
Политиката го слави овој датум поделено, бидејќи 29 ноември е празник само за левицата, додека десницата го слави 28 ноември како ден на независноста и ослободувањето, пренесе Клан.
Сури: Рама скептичен за почеток на преговори со ЕУ поради Грција
Премиерот Еди Рама не е оптимист за можноста во рамките на интегративниот процес Европската унија да отвори разговори за првата група поглавја со Албанија во месец декември.
Европската комисија побара од земјите-членки овој процес да започне на крајот на оваа година, но за време на разговорот со Атлантскиот совет за интеграција во ЕУ и на Балканот, г-дин Рама ги опиша роковите како технички.
Се чини дека двоумењето на премиерот Еди Рама е поврзано со предупредувањата на Грција дека случајот со избраниот градоначалник на Химара, Фреди Белери ќе влијае на напредокот на Албанија кон Европската унија, пренесе Сури.
КОЛУМНА
Газета Тема: Специјалниот суд на Косово, театар без публика
Специјалниот суд на Косово, лоциран во Хаг, е институција која продолжува да произведува драми, но и комедии за внимание на косовското и меѓународното јавно мислење. Овој суд е основан како резултат на притисоците и железните наметнувања на меѓународниот фактор, како сигурен механизам за справување со обвинувањата за трговија со човечки органи, сумирани во извештајот на Дик Марти, кој го одобри Советот на Европа, пишува Беким Чолаку во колумната Специјалниот суд на Косово, театар без публика, објавена во Газета Тема.
Подготви: Д. Тахири
Извор: Цивил Медиа