Судот во Белград го ослободи од притвор Милан Радоичиќ, еден ден по распитот, Американскиот Стејт департмент сериозно истражува дали Србија ги злоупотребила воените возила донирани од САД пред неколку месеци.
Ова се дел од насловите од редакцискиот избор на ЦИВИЛ Медиа, од денешните содржини во албанските медиуми во регионот.
Балкан Веб: Милан Радоичиќ ослободен од притвор
Судот во Белград го ослободи од притвор Милан Радоичиќ, еден ден по распитот. Судијата на претходна постапка го отфрли предлогот на Вишото јавно обвинителство во Белград за определување мерка притвор за Радоичиќ по разговорот, пренесе Балкан Веб.
Газета Експрес: „Автократ“, „класичен терористички акт“, „извор на дестабилизација“, европратениците го „распнаа“ Вучиќ
„На вчерашната вообичаена седница на Европскиот парламент се разговараше за тензиите меѓу Косово и Србија, по терористичкиот напад што таа го организираше против косовската полиција. Едногласно, пратениците на ЕП побараа да се воспостави правда за овој агресивен чин, додека српскиот претседател Вучиќ беше наречен автократ.“, пренесе Газета Експрес.
Клан Косова: Стејт департментот ќе истражува дали Србија го злоупотребила за тероризам военото возило што им го подари
Американскиот Стејт департмент сериозно истражува дали Србија ги злоупотребила воените возила донирани од САД пред неколку месеци.
Тоа е затоа што високите косовски власти објавија дека српските терористи користеле воени возила од типот Хамви, на обука за подготовка на терористички акти на Косово, а едно од нив било употребено и во терористичкиот акт во Бањска, пренесува Клан Косова.
Албеу: Српско обвинителство – Радоичиќ го купил оружјето во Босна, Косовска полиција: Произведени се во Србија
„Од јануари 2023 година до 24 септември, Милан Радоичиќ купил оружје, муниција и експлозивни направи со голема разорна моќ од Тузла, Федерација на Босна и Херцеговина.
Ова е верзијата на Вишото јавно обвинителство во Белград за оружјето што беше употребено во терористичкиот напад во Бањска во Звечан против косовската полиција на 24 септември, каде беше убиен наредникот Африм Буњаку.
Од косовската полиција и од Министерството за внатрешни работи континуирано се соопштуваат дека оружјето на терористичката група што беше запленето во Бањска и околината е произведено во Србија и годината на производство на дел од нив (последниве години , уште повеќе 2023) сугерира дека групата ја снабдувале српските институции, пренесува Албеу.
Коха: Граничната точка во Брњак отворена за сообраќај, Јариње останува затворено за влез од Србија
Граничниот пункт во Берњак во средата наутро е пуштен за сообраќај. Во меѓувреме, граничната точка во Јариње и натаму останува затворена за влез од Србија, потврди заменик директорот на косовската полиција за северниот регион, Ветон Елшани, пренесе Коха.
КОЛУМНА
Сури: СПАК мора итно да го истражи изборниот криминал од 14 мај и корупциската афера Рама – Мекгонигал
„Оној што има очи нека гледа, а кој има уши нека слуша. Тоа е заповеднички израз за секој разумен човек, уште повеќе за телото на правдата. Уште повеќе за главниот дел од еднаквоста пред законот, како што треба да биде СПАК. Цела деценија идеи, енергии, политички и јавни, општествени и професионални борби се зближија до исполнувањето на мисијата на правдата што беше наречена нова и почетокот на работата на органот од кој зависат сите надежи на Албанците, но и меѓународната заедница.“, пишува авторот Ндричим Кула во колумната „СПАК мора итно да го истражи изборниот криминал од 14 мај и корупциската афера Рама – Мекгонигал“, објавена во Сури нет.
Подготви: Д. Тахири
Извор: Цивил Медиа