Сметам дека постојат простори за продлабочување на одредени анализи и отворање на прашања кои можеби овој период не успеавме да ги отвориме или не можевме да ги видиме, рече во интервју за НОВА проф.др. Алексеј Дума, долгогодишен  директор на Институтот за судска медицина, одговарајќи на прашање дали треба да се отворат нови истраги за случајот на смртта на Никола Младенов, на Коста Крпач, Смилковско езеро и други.

„ Тоа се многу осетливи работи, со многу стапици, предмети со многу недоречености , многу невидени, затворени или отворени прашања, многу несогледани аспекти и потреба за понатамошни анализи. И тоа треба да е предмет на сериозна професионална работа“, рече Дума за НОВА.

Професионалната работа значи конфликт на стручни мислења, тоа значи долги анализи со луѓе од различни профили, криминолози, криминалисти, форензичари, балистичари, сообраќајни вештаци од претпоставка дeка се авторитативни во своето знаење, да знаат да зборуваат со документи. Да знаат да се повлечат кога ќе сфатат дека погрешно или нецелосно го протолкувале аргументот, вели Алексеј Дума.

„Секогаш зад ќошот стои уште нешто. Секогаш треба да се обидат да sирнат и зад ќошот кој не е осветлен од рефлекторите на настанот. Има некое темно ќоше, секогаш. Дали тоа заслужува да биде отворено, јас сметам дека заслужува. Одредени сегашни професионалци велат тоа е многу скапо, но не е така. Овие суштински работи заслужуваат одговор, рече Дума.

На прашањето за смртта на докторката од Клиниката за нефрологија за која истрагата се води во голема мистерија, дали технички е можно сама да извршила самоубиство забодувајќи си го ножот во врат проф. Дума вели дека тоа е можно, но за  тоа треба многу други ситни детали кои што треба да с е анализираат од судско медицински и криминалистички аспект со цел  да се добие целосна слика што се случило.

“ Не доволно ако некого видите да виси на јаже дека се работи за самоубиство, ни оддалеку. Во однос на тоа што с е случувало за конкретниот случај, која е динамиката на настанот на тоа сето треба да се направи психолошка аутопсија на жртвата, мора да се најде мотивот, предиспозицијата, што е тоа што довело до такво пореметување до стабилноста на духот и таква голема депресивна состојба. Тоа  е многу сериозен предмет на анализа за да може да се донесе правилна судско медицинска и форензичарска одлука која ќе донесе до правна разрешница“, изјави Дума за НОВА.

Целото интервју со проф.др.Алексеј Дума долгогодишен директор на Институтот за судска медицина и поранешен прв човек на Лекарска комора, ќе го гледате во недела попладне во емисијата ПРОЦЕС на НОВА.