Украина се согласи на договор за прекин на војната со Русија при што остануваат само мали детали, изјави американски функционер за CNN, зборувајќи под услов на анонимност.
Сепак, украинскиот претседател Володимир Зеленски рече дека треба да се заврши уште многу работа.
Изјавата на американскиот функционер дојде додека американскиот секретар на војската беше во Абу Даби на состаноци со руски функционери во врска со предлогот на администрацијата на Трамп.
„Украинците се согласија на мировен договор. Постојат некои мали детали што треба да се решат, но тие се согласија на мировен договор, рече тој.
Ставот на САД се чини дека е пооптимистички од јавните изјави на украинските функционери чија делегација е исто така во Абу Даби и е во контакт со одговорниот за копнените сили, Ден Дрискол.
Украинскиот секретар за национална безбедност Рустем Умеров објави на социјалната мрежа X дека делегациите „постигнале заедничко разбирање за клучните услови од договорот дискутиран во Женева“.
Сега сметаме на поддршката од нашите европски партнери во нашите понатамошни чекори, напиша Умеров.
Тој додаде дека Украина со нетрпение очекува да ја организира посетата на Зеленски на САД за да ги заврши последните чекори и да постигне договор со претседателот Трамп.
Самиот Зеленски утрово на X објави:
По состаноците во Женева, гледаме многу перспективи што можат да го направат патот кон мирот реален. Има солидни резултати и уште многу работа претстои.
Во меѓувреме, потполковник Џеф Толберт, портпарол на секретарот Дрискол, рече дека разговорите меѓу делегациите на САД и Русија во Абу Даби „одат добро и ние остануваме оптимисти“.